صورتِ مسئولہ میں گروپ میں پوسٹ کرنے والے کا یہ دعوی کہ "عبادات سے ہر قسم کے گناہ اور حقوق معاف ہوجاتے ہیں" درست نہیں ہے،شریعت اسلامیہ میں نماز، روزہ، حج اور دیگر اعمال صالحہ کی بڑی فضیلت بیان ہوئی ہے اور بعض عبادات صغیرہ گناہوں کے کفارے کا سبب بنتی ہیں۔
البتہ حقوق العباد کا معاملہ نہایت اہم ہے، کسی شخص کا حق مارنا، ظلم کرنا، کسی کا مال یا عزت ناحق طور پر متاثر کرنا وغیرہ محض نماز، روزہ یا حج ادا کرنے سے ختم نہیں ہوجاتا، بلکہ جہاں ممکن ہو حق کی ادائیگی اور تلافی ضروری ہے اور صاحب حق سے معافی حاصل کرنا بھی لازم ہوتا ہے،شریعت میں حقوق العباد کی پامالی پر سخت وعیدیں وارد ہوئی ہیں۔
اسی طرح یہ کہنا بھی درست نہیں کہ اسلام کی عبادات یا تعلیمات معاشرے میں خرابی کا سبب بنتی ہیں، اسلام عبادات کے ساتھ عدل، احسان، امانت، حسن اخلاق اور حقوق العباد کی ادائیگی کا حکم دیتا ہے اور ظلم و زیادتی سے سختی سے منع کرتا ہے، لہذا اگر کوئی شخص عبادات ادا کرنے کے باوجود ظلم، قتل و غارت یا دیگر جرائم کا ارتکاب کرتا ہے تو اس کے اس غلط عمل کو اسلامی تعلیمات کی طرف منسوب کرنا درست نہیں، بلکہ یہ اس شخص کی اپنی بدعملی اور اسلامی احکام پر صحیح طور پر عمل نہ کرنے کا نتیجہ ہے۔
لہذا سوال میں مذکور پوسٹ میں اگر عبادات یا اسلامی تعلیمات سے یہ مفہوم اخذ کیا گیا ہے کہ عبادت کرنے کے بعد انسان دوسروں کے حقوق پامال کرسکتا ہے یا دیگر جرائم کا ارتکاب کرسکتا ہے تو یہ مفہوم اسلامی تعلیمات کے خلاف ہے، اسلام اور اس کی تعلیمات کوسمجھے بغیر اس پر نقد وطنز کرنے کی عادت ومزاج اس دور کا عظیم فتنہ ہے لہذا ایسی پوسٹوں کو نشر کرنے سے احتیاط کرنی چاہیے۔

لما في تفسير المظهري:

قال الله تعالى إِنْ تَجْتَنِبُوا كَبائِرَ ما تُنْهَوْنَ عَنْهُ نُكَفِّرْ عَنْكُمْ سَيِّئاتِكُمْ وقال إِنَّ الْحَسَناتِ يُذْهِبْنَ السَّيِّئاتِ وقال عليه الصلاة والسلام الصلوات ۔۔۔۔۔۔۔كفارات لما بينهن ما اجتنب الكبائر فظهران الطاعات لا تكون مكفرات الا للصغائر دون الكبائر. (سورة البقرة(پاره:٢،آیت:٢٢٥)

وفیہ ایضا:

وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ (45)

وَأَقِمِ الصَّلاةَ المفروضة إِنَّ الصَّلاةَ تَنْهى هذه الجملة تعليل للامر باقامة الصلاة عَنِ الْفَحْشاءِ اى ما ظهر قبحه شرعا وعقلا وَالْمُنْكَرِ للانتهاء عن المعاصي من حيث انها تذكر الله وتورث للنفس خشية قال البغوي روى عن انس رضى الله عنه قال كان فتى من الأنصار يصلى الصلوات الخمس مع رسول الله صلى الله عليه وسلم ثم لم يدع شيئا من الفواحش الا ركبه فوصف لرسول الله صلى الله عليه وسلم حاله فقال رسول الله صلى الله عليه وسلم ان صلاته تنهاه يوما فلم يلبث ان تاب وحسن حاله- وفى مسند إسحاق والبزار وابى يعلى عن ابى هريرة قال جاء رجل الى النبي صلى الله عليه وسلم قال ان فلانا يصلى بالليل فاذا أصبح سرق قال ان صلاته تنهاه. قال البغوي قال ابن عباس رض وابن مسعود فى الصّلوة منتهى ومزدجر عن معاصى فمن لم تأمره صلاته بالمعروف ولم تنهه عن المنكر لم يزدد صلاته من الله الا بعدا- وقال الحسن وقتادة من لم تنهه صلاته عن الفحشاء والمنكر فصلاته وبال عليه- وقيل المراد بالصلوة القران كما فى قوله تعالى وَلا تَجْهَرْ بِصَلاتِكَ يعنى بالقران فى الصلاة ولا شك ان القران ينهى عن الفحشاء والمنكر- روى البغوي عن جابر قال قال رجل للنبى صلى الله عليه وسلم انّ رجلا يقرأ القران بالليل كله فاذا أصبح سرق قال ستنهى قراءته- وفى رواية قيل يا رسول الله ان فلانا يصلى بالنهار ويسرق باللّيل قال ان صلاته ستردعه وَلَذِكْرُ اللَّهِ أَكْبَرُ قال ابن عطاء ولذكر الله اكبر من ان يبقى معصية والمراد بذكر الله الصلاة الناهية عن الفحشاء والمنكر. وانما غير عنها بالذكر.

وفي الصحيح لمسلم:

عن أبي هريرة، أن رسول الله صلى الله عليه وسلم، قال: أتدرون ما المفلس؟ قالوا: المفلس فينا من لا درهم له ولا متاع، فقال: إن المفلس من أمتي يأتي يوم القيامة بصلاة، وصيام، وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار. (باب تحريم الظلم(٤/١٩٩٧)

ترجمہ: حضرت ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: اے میرے صحابہ کیا تم جانتے ہو کہ مفلس کون ہے؟ صحابہ نے کہا: ہم میں مفلس وہ شخص ہے جس کے پاس نہ درہم اور نہ ہی کوئی اور سامان ہو۔ آپ صلی اللہ علیہ وسلم نے فرمایا: (نہیں، بلکہ) میری امت میں سے مفلس وہ شخص ہے جو قیامت والے دن نماز، روزے اور زکاۃ کے ساتھ آئے۔ گا (لیکن اس کے ساتھ ساتھ) وہ اس حال میں آئے گا کسی کو گالی دی ہو گی، کسی پر بہتان تراشی کی ہو گی، کسی کا مال کھایا ہو گا، کسی کا خون بہایا ہو گا اور کسی کو مارا پیٹا ہو گا۔ پس ان (تمام مظلومین) کو اس کی نیکیاں دے دی جائیں گی (تاکہ ان پر کیے گئے ظلم کی تلافی ہو جائے)۔ لیکن اگر اس کی نیکیاں ختم ہو گئیں، قبل اس کے کہ اس کے ذمے دوسروں کے حقوق باقی ہوں، تو ان کے گناہ لے کر اس پر ڈال دیے جائیں گے، پھر اسے جہنم میں پھینک دیا جائے گا۔