صورت مسئولہ میں اگرچہ ساؤنڈ سسٹم کسی دوسری پارٹی کا ہے اور اس کا سارا نفع اسی کو ملتا ہے ،آپ لوگ اس سے کرایہ بھی نہیں لیتے لیکن ہال کے اندر موسیقی کا ہونا یا اس کا انتظام کرنا بہرحال اس فضا کا حصہ ہے جس کو مہیا کرنے پر منافع مل رہا ہے، اس لئے اگرچہ آپ لوگوں کی شادی ہال سے حاصل شدہ کمائی تو حلال ہے لیکن آپ لوگوں کیلئے اپنے شادی ہال میں ساونڈ سسٹم والوں کو جگہ فراہم کرنا جائز نہیں ، یہ گناہ کے کام میں ان کی اعانت ہے،لہذا آپ لوگوں پر لازم ہے کہ انتظام سنبھالنے والے پارٹنر کو یہ تاکید کریں کہ وہ میوزک کیلئے ساونڈ سسٹم والوں کو جگہ مہیا نہ کرے،البتہ اگر ایسا ہو ہے اور اس کا کوئی نفع پروگرام کرانے والے نے نہیں رکھا تو آمدن حلال ہے۔
لما في قرآن المجید:
وَلَا تَعَاوَنُوا عَلَى الْإِثْمِ وَالْعُدْوَانِ ۚ وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ. (المائدة:٢)
ترجمہ : اور گناہ زیادتی میں ایک دوسرے کی اعانت مت کرو اور اللہ تعالیٰ سے ڈرا کرو، بلاشبہ اللہ تعالیٰ سخت سزا دینے والے ہیں۔
وفي تفسير المظهري:
وَلا تَعاوَنُوا عَلَى الْإِثْمِ وَالْعُدْوانِ يعنى لا تعاونوا على ارتكاب المنهيات ۔۔۔۔۔ عن النواس بن سمعان الأنصاري قال سئل رسول الله صلى الله عليه وسلم عن البر والإثم قال البر حسن الخلق والإثم ما حاك فى نفسك وكرهت ان يطلع عليه الناس رواه مسلم فى صحيحه. (سورة المائدة (٥/٣)
