شیخِ کامل خادمِ شیخ الحدیث

(مرثیہ بر وفات حضرت اقدس مولانا محمد یحییٰ مدنی رحمہ اللہ)

چارہ گر روٹھا بچارے ہوگئے غمزدہ سارے کے سارے ہوگئے

صاحبِ حق، ذکرِ حق کرتے ہوئے حق تعالیٰ کو پیارے ہوگئے

دستِ شفقت سر پہ رکھے کون اب سب یتامیٰ غم کے مارے ہوگئے

کل تلک جو اس زمین کے پھول تھے آسماں کے آج تارے ہوگئے

باغبانِ دین کو وقتِ وصال باغِ رضواں کے نظارے ہوگئے

ہم سے پوچھیں، ہم پہ کیا گزری یہاں آپ کے وارے نیارے ہوگئے

اُف خدایا سوزِ فرقت کی تپش گُل بھی گویا اب شرارے ہوگئے

علم کے معہدؔ پہ چھائی ہے خزاں سالکین سب بے سہارے ہوگئے

شیخِ کامل خادمِ شیخ الحدیث آخرش اللہ کو پیارے ہوگئے